My droom gisteraand – ‘n strange ene  – het so gegaan:

Ek en ‘n klomp mense onder andere my groot vriend Thinus kuier by vreemde mense – almal slaap in een groot vertrek. Daar is ‘n vrou wat van Shari, my niggie praat. Ek sê toe vir haar dat Shari my niggie is. Shari is High Society en die vrou glo my nie; ek vertel toe vir haar ‘n klomp feite van Shari totdat sy my glo. Sy vertel my dat Shari getroud is met Nico Panagio (van Survivors) se neef. Ek sê toe dat Thinus ook vir Shari ken – hulle het saam in ‘n huis gebly. Thinus sê toe verleë hy wil nie daaroor praat nie.

Volgende scene: Ek, Thinus en ‘n klomp ouens ry in ‘n klein vliegtuig oor Johannesburg. Ons sien ‘n fabriek wat afbrand. Die fabriek behoort aan een van die passasiers, maar hy gee nie om nie. Die vlieënier vlieg nou stadig en baie laag (5m) bo oor al die voertuie in die verkeersknope. Johannesburg lyk soos Oos Los Angeles. Daar is verskriklik baie karre en overpasses en geen mooi huise of groot geboue nie. Dis nie heeltemal ‘n shanty town nie, maar nog steeds depressing. Ons stop met die vliegtuig sommer in die pad en klim uit. Ons pak blikkies koeldrank uit op ‘n keermuur langs die pad. Die blikkies is blou.

Volgende scene: Ek en ‘n klomp ouens staan in ‘n enorme garage – moontlik ‘n chop shop. Hierdie deel is weird! Ek sien een van die ouens het enorme eiers! Die volgende oomblik roep ‘n horny vrou hom nader en hulle gaan shag in ‘n limousine. ‘n Ander vrou roep my nader, maar sy lyk te veel van ‘n slapper vir my. Ek sê nee dankie. Een van die ander ouens vra my of hy haar kan vat. Ek sê ja. Hy vertel my dat dit ‘n baie eerbare ding is in hulle “gang” en gee my ‘n high five. Die limousine reverse uit die garage uit. Ek wil weer kyk of die vrou wat ek nou net laat gaan het rêrig so sleg was en probeer die limo volg. Na ‘n lang ruk besef ek dat ek nie kan opvang met die limo nie. Ek draai om en soek na die groot garage. Maar ek het verdwaal.

Ek sien ‘n groep van 4 meisies (een baie mooi, met ‘n kort blou blink mini aan) wat ek op ‘n manier erken. Hulle koop iets in ‘n hoek kafee. Ek loop by die kafee in en vra hulle of hulle weet waar die garage en die ander ouens is. Die een met die blou rokkie gee my ‘n vieslike kyk en stap by die winkel uit; die res volg haar. Hulle ignoreer my flat. Ek strip my moer; loop agter hulle aan en skree “I don’t have a disease you know!”. Die een – ‘n valerige een – draai om en sê op ‘n gawe manier vir my dat ek iets moet eet voor die aand om is. Skielik sien ek sy is baie oulik; ek kan sien sy laaik my ook. Ek sit my arm om haar; ek kan sien sy hou daarvan. Een van haar buddies – ‘n blonde een – stap nader en terg haar oor ons – maar welwillend. Ek het ‘n geel plastiek eendjie in my hand en gooi die blonde buddie jokingly agter teen die kop. Ons al drie lag saam en stap verder. As happy as can be!

En toe word ek wakker.

Ek dink baie mense sal hierdie goed probeer analiseer, maar ek doen nie dit  nie. Vir my is dit maar net vreemd; en ek hou van vreemd!