Gisteraand het ‘n weird en lang droom gehad. Hy’t so gegaan:

1ste scene: Daar is ‘n klomp mense wat saam in ‘n kamer slaap. Ek, ‘n dokter en ‘n swart man lê op een bed. Niks gebeur nie, maar die volgende oggend toe ek wakker word word daar op my skouer geopereer deur die dokter.

Volgende scene: Dieslefde groep mense loop rond in Riversbend se lang gras op soek na iets. Skielik bars Sven (my swaer) uit en sê “Weet julle wat? Ek het gisteraand 3-uur wakker geword en dit was baie interresant om te sien wie pomp en wie nie.”. Almal bars uit van die lag. Toe sê ek “Sven, you have just spoken the unspeakable.”. Toe lag almal nou eers.

Volgende scene: Selfde groep mense eet by ‘n restaurant in Grahamstad. Daar kom ‘n ouer ordentlike vrou in en gryp ‘n bottel tamatie sous. Sy maak asof sy opgooi en gooi die tamatie sous uit op ‘n tafel. Toe sit sy by die tafel en eet saam met die mense, wat toe haar vriende is. Maar niemand lag nie; dis doodernstig. Toe kom die vrou na ons tafel. Sy maak reg om dieselfde ding te doen. Ek gryp haar aan haar hare en pen haar vas. Die eienaar neem haar weg. Toe ons loop sien ek die vrou het my aan my vinger gebyt. Ek gaan soek die dokter.

Volgende scene: Nadat ek by die dokter was soek ek my groep, maar nou skielik is ons Londen in Shaftesbury Ave (daar waar Tiger Tiger is). My groep maats is nêrens te sien nie. Ek loop verby iemand wat Cockney praat, maar ek weet sy is Afrikaans. Ek vra haar toe of sy my vriende gesien het. Sy sê toe – sonder dat ek enige name noem – dat sy Mike Tours se groepie gesien het en hulle was oppad Piccadilly Circus toe.

Volgende (ergste) scene: Ek lê op ‘n bed op grasperk op ‘n hoëerige gebou. Skielik sien ek ‘n moerse kern-missiel verby ons vlieg. Ek weet dis ‘n kern-missiel want ek sien baie duidelik sy plofkop. Ek sien hoe hy ontplof net bo ‘n gebou aan die ander kant van die stad en ek sien Die Sampioen. Ek voel hierdie oorweldigende gevoel van magteloogsheid – dis so erg dit druk my plat. Ek weet dis verby. Ek weet dit help nie eers om te probeer ontsnap nie. Ek maak my oë toe en dink aan die mense wat ek ken en wag vir die inevitable.

Volgende scene: Ek vlieg, maar al wat ek sien is 1000e van daai 2de Wêreldoorlog bommers. Toe is dit weer 1000e vegvliegtuie. Toe net een groot gewapende helikopter in die verte. Die helikopter kom al hoe nader, maar hy word niks groter nie. Op die ou end is die vreesjaande helikopter ‘n speelding. Ek pluk die helikopter uit die lig uit. Toe pyl ek af – teen ‘n helse spoed – op ‘n groot vuilerige geel muur. Met die trefslag word ek wakker.

Weird hê! Toe ek wakker word was ek papnat gesweet. Maar ek moet sê ek was ongelooflik bly om wakker te wees!! Nou wens ek ek kon weet wat dit alles kan beteken. 😉